ಸದ್ಗುರುವಿನ ಶ್ರೀ ಪಾದ

*ಬಿಡಬೇಡ ದೇವನ ಪಾದಗಳ*

**************************

ಬಿಡಬೇಡ ದೇವನ ಪಾದಗಳ

ಬಿಡಬೇಡ ಸದ್ಗುರುವಿನ ಪಾದಗಳ || ಪ ||

ಭಕ್ತರ ಕಷ್ಟವನ್ನು ಹರಿಸುವ ಶ್ರೀಪಾದ 

ಚಂದನ ಪೂಸಿರುವ ಚಂದದ ಪಾದ 

ದುಷ್ಟತನ ಮೆಟ್ಟಿದ ವಿಶಿಷ್ಟನ ಶ್ರೀಪಾದ 

ಬಿಟ್ಟರೆ ಸಿಗದಂತ ಸದ್ಗುರುವಿನ  ಪಾದ  || ೧ ||

ಬಿಡಬೇಡ ದೇವನ ಪಾದಗಳ

ಬಿಡಬೇಡ ಸದ್ಗುರುವಿನ ಪಾದಗಳ || ಪ ||

ಪಾಪ ಶಾಪಗಳ ಕಳೆಯುವ ಶ್ರೀಪಾದ 

ಕೋಪ ತಾಪಗಳ ತಣಿಸುವ ಪಾದ 

ದೀನರನ್ನು ಉದ್ದಾರ ಮಾಡುವ ಶ್ರೀಪಾದ 

ಬಿಡದೇ ಹಿಡಿದವರ ರಕ್ಷಿಸುವ ಪಾದ  || ೨ ||

ಬಿಡಬೇಡ ದೇವನ ಪಾದಗಳ

ಬಿಡಬೇಡ ಸದ್ಗುರುವಿನ ಪಾದಗಳ || ಪ ||

ಕಷ್ಟದ ಪರ್ವತವ ದಾಟಿಸೊ ಶ್ರೀಪಾದ 

ನಷ್ಟವ ಪರಿಹರಿಸಿ ಕಾಯುವ ಪಾದ 

ದೃಷ್ಟಿ ಹೀನರಿಗೆ ಬೆಳಕು ಕೊಡುವ ಶ್ರೀಪಾದ

ಸೃಷ್ಟಿಗೊಡೆಯನ ಆ ದಿವ್ಯ ಪಾದ  || ೩ ||

ಬಿಡಬೇಡ ದೇವನ ಪಾದಗಳ

ಬಿಡಬೇಡ ಸದ್ಗುರುವಿನ ಪಾದಗಳ || ಪ ||

ಕರುಣಾ ಸಾಗರನ ಸ್ವರ್ಣದ ಶ್ರೀಪಾದ 

ಶರಣು ಬಂದವರ ರಕ್ಷಿಪ ಪಾದ 

ಧರಣಿಯೊಳಪರೂಪ ಆಗಿಹ ಶ್ರೀಪಾದ 

ಮರಣಕಾಲದಲಿ ಮುಕ್ತಿ ಕೊಡುವ ಪಾದವನು || ೪ ||

ಬಿಡಬೇಡ ದೇವನ ಪಾದಗಳ

ಬಿಡಬೇಡ ಸದ್ಗುರುವಿನ ಪಾದಗಳ || ಪ ||